రుద్ర వీణ
LSచుట్టూ పక్కల చూడరా చిన్న వాడా
చుక్కల్లో చూపు చిక్కుకున్నవాడా
కళ్ళ ముందు కటిక నిజం
కానలేని గుడ్డి జపం
సాధించదు యే పరమార్ధం
బ్రతుకును కానీయకు వ్యర్ధం
||చుట్టూ పక్కల||
స్వర్గాలను అందుకొనాలని వడిగా గుడి మెట్లెక్కేవు
సాటి మనిషి వేదన చూస్తూ జాలి లేని శిలవైనావు
కరుణను మరిపించేదా చదువు సంస్కారం అంటే
గుండె బండగా మార్చేదా సాంప్రదాయమంటే
కరుణను మరిపించేదా చదువు సంస్కారం అంటే
గుండె బండగా మార్చేదా సాంప్రదాయమంటే
||చుట్టూ పక్కల||
నువ్వు తినే ప్రతి ఒక మెతుకు ఈ సంఘం పండించింది
గర్వించే ఈ నీ బ్రతుకు ఈ సమాజమే మలచింది
రుణం తీర్చు తరుణం వస్తే తప్పించుకు పోతున్నావా
తెప్ప తగల బెట్టేస్తావా యేరు దాటగానే
రుణం తీర్చు తరుణం వస్తే తప్పించుకు పోతున్నావా
తెప్ప తగల బెట్టేస్తావా యేరు దాటగానే
||చుట్టూ పక్కల||
No comments:
Post a Comment