రుద్ర వీణ

LS

సంగీతం: ఇళయరాజా
గానం: యేసుదాస్, చిత్ర

పల్లవి:

లలిత ప్రియ కమలం విరిసినది
లలిత ప్రియ కమలం విరిసినది
కన్నుల కొలనిని ఆ ఆ ఆ ఆ
ఉదయ రవి కిరణం మెరిసినది ఊహల జగతిని ఆ ఆ ఆ
ఉదయ రవి కిరణం మెరిసినది
అమృత కలశముగా ప్రతి నిముషం
అమృత కలశముగా ప్రతి నిముషం
కలిమికి దొరకని చెలిమిని కురిసిన అరుదగు వరమిది
లలిత ప్రియ కమలం విరిసినది

చరణం:
రేయి పగలు కలిపే సూత్రం సాంధ్యరాగం కాదా నీలో నాలో పొంగే ప్రణయం
నేల నింగి కలిపే బంధం ఇంద్రచాపం కాదా మన స్నేహం ముడివేసే పరువం
కలల విరుల వనం మన హృదయం
కలల విరుల వనం మన హృదయం
వలచిన ఆమని కూరిమి నీరగా చేరిన తరుణం
కోటి తలపుల చివురులు తొడిగెను తేటి స్వరముల మధువులు చిలికెను
తీపి పలుకుల చిలకల కిలకిల తీగ సొగసుల తొణికిన మిలమిల
పాడుతున్నది ఎద మురళి రాగ చరి తరగల మృదురవళి
తూగుతున్నది మరులవనీ లేత విరి కులుకుల నటనగని
వేళ మధుమాసముల పూల దరహాసముల మనసులు మురిసేను

లలిత ప్రియ కమలం విరిసినది
కన్నుల కొలనిని ఆ ఆ ఆ
ఉదయ రవి కిరణం మెరిసినది

చరణం:
కోరే కోవెల ద్వారం నీవై చేరుకోగా కాదా నీకై మ్రోగే ప్రాణం ప్రణవం
తీసే శ్వాసే ధూపం చూసే చూపే దీపం కాదా మమకారం నీ పూజ కుసుమం
మనసు హిమగిరిగా మారినది
మనసు హిమగిరిగా మారినది
కలసిన మమతల స్వరజతి పశుపతి పదగతి కాగా
మేని మలుపుల చెలువపు గమనము వీణ పలికిన జిలిబిలి గమకము
కాలి మువ్వగా నిలిచెను కాలం పూల పవనము వేసెను తాళం
గేయమైనది తొలి ప్రాయం రాయమని మాయని మధుకావ్యం
స్వాగతించెను ప్రేమ పదం సాగినది ఇరువురి బ్రతుకు రధం
కోరికల తారకల సీమలకు చేరుకునే వడి వడి పరువిడి

ఉదయ రవి కిరణం మెరిసినది ఊహల జగతిని ఆ ఆ ఆ ఆ
లలిత ప్రియ కమలం విరిసినది
కన్నుల కొలనిని ఆ ఆ ఆ
లలిత ప్రియ కమలం విరిసినది