చిత్రం : చంటి (1992) రచన : వేటూరి సంగీతం : ఇళయరాజా గానం : ఎస్.పి.బాలసుబ్రహ్మణ్యం

పల్లవి :
పావురానికి పంజరానికి పెళ్లిచేసె పాడు లోకం
కాళరాత్రికి చందమామకి
ముళ్లుపెట్టె మూఢలోకం
॥
కొడిగట్టిన దీపాలే
గుడి హారతులయ్యేనా... ఓ... ఓ...
॥


చరణం : 1
తానిచ్చు పాలలో ప్రేమంతా కలిపి
సాకింది నా కన్నతల్లి
లాలించు పాటలో నీతంతా తెలిపి
పెంచింది నాలోన మంచి
కపటాలు మోసాలు నాలోన లేవు
కలనైనా అపకారి కాను
చేసిన పాపములా ఇవి ఆ విధి శాపములా
మారని జాతకమా ఇది దేవుని శాసనమా
ఇది తీరేదే కాదా ॥


చరణం : 2
తాళంటే తాడనే తలచాను నాడు
అది ఏదో తెలిసేను నేడు
ఆ తాళి పెళ్లికే ఋజువన్న నిజము
తరువాత తెలిసేమి ఫలము
ఏమైనా ఏదైనా జరిగింది ఘోరం
నా మీద నాకేలే కోపం
నా తొలి నేరములా ఇవి తీరని వేదనలా
నా మది లోపములా ఇవి ఆరని శోకములా
ఇక ఈ బాధే పోదా ॥